Policia e Shtetit duket se po kalon kufijtë në përdorimin e dhunës ndaj qytetarëve, veçanërisht gjatë dhe pas protestave të të rinjve, që u revoltuan nga vrasja e 25-vjeçarit Klodian Rasha, nga një efektiv i Shqiponjave.
Ngjarja e rëndë u pasua me 5 ditë protesta intensive, ku policia nuk kurseu gazin lotsjellës, ujin me presion dhe shkopinjtë e gomës, shoqëroi të mitur në komisariate dhe arrestoi disa dhjetra qytetarë.
Ndërhyrja e fundit e dhunshme e policisë ishte mbrëmjen e së shtunës ndaj disa anëtarëve të Aleancës për Mbrojtjen e Teatrit, që u dhunuan dhe u shoqëruan në komisariat, një ngjarje e cila mbetet e errët dhe nuk ka një reagim zyrtar sepse ndodhi.
Këshilltari politik gjerman në partinë e kancelares Angela Merkel, Martin Henze, në një postim në Twitter shkruan se shqiptarët prej tre vjetësh janë privuar nga të gjitha të drejtat civile, me eleminimin e gjykatave supreme, nga organizata Rama, po ashtu korrupsioni u rrit. “Shqipëria është një shtet policor dhe tani ka uniformat e policisë turke”, shkruan Henze.
Albania, three years ago the peaceful citizens of Albania have been deprived of all civil rights , by the elimination of the supreme courts, by the organization rama, corruption increased,Albania is a police state and now Turkish police uniforms:No Go pic.twitter.com/RLFaUt2Hko
— Martin Henze (@GSKStrategy) December 20, 2020
