Liverpooli ka triumfuar me rezultatin e thellë 0-7 në transfertën londineze ndaj Crystal Palace dhe është shkëputur në krye të renditjes së kampionatit me 31 pikë, plot 6 më tepër se Tottenham i vendit të dytë.
Dy herë Roberto Firmino, Henderson, Minamino, Mane dhe dy herë Salah shënuan për “The Reds” që dominuan plotësisht ndeshjen dhe nuk e vunë asnjëherë në diskutim fitoren në këtë transfertë, që pritej të ishte më e vështirë sesa rezultoi në fushë.
Kjo ishte fitorja e dytë radhazi në 3 ditët e fundit për Liverpoolin, që ka nisur kështu shkëputjen në krye të renditjes, pavarësisht një starti të dobët që e mbajti për disa javë larg kreut.
