Një ngjarje e rëndë ka ndodhur sot në Dibër, ku një 27 vjeçar ka vdekur pasi është plagosur me armë gjahu çifte nga shoku i tij.
Burime nga policia thanë se rreth orës 14:45, në vendin e quajtur “Malet e Obokut”, Maqellarë, Rifat Xheleshi dhe Gentian Kosiqi (viktima), kanë qenë për gjueti.
Xheleshi, 18 vjeç dyshohet se nga pakujdesia ka plagosur me armë gjahu çifte shokun e tij Gentian Kosiqi rreth 27 vjeç, banues në Maqellarë, i cili ka humbur jetën në spital.
Pas ngjarjes 18-vjeçari është arrestuar nga policia.
Njoftimi i Policisë së Dibrës:
Dyshohet se nga pakujdesia plagosi me pasojë vdekjen shokun e tij, Policia shoqëron në Komisariat autorin e dyshuar.
Sekuestrohet arma e gjahut çifte.
Rreth orës 14:45, në vendin e quajtur “Malet e Obokut”, Maqellarë, shtetasit R. XH. dhe G. K, kanë qenë për gjueti. Shtetasi R. XH., 18 vjeç dyshohet se nga pakujdesia ka plagosur me armë gjahu çifte shtetasin G. K., rreth 27 vjeç, banues në Maqellarë, i cili ka humbur jetën në spital.
Menjëherë shërbimet e Policisë dhe grupi hetimor kanë shkuar në vendngjarje dhe kanë bërë shoqërimin e autorit të dyshuar në Komisariat, për veprime të mëtejshme hetimore, si dhe kanë sekuestruar në cilësinë e provës materiale armën e gjahut çifte.
Grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes.
