Partizani zhvilloi të martën seancën dëgjimore në CAS, aty ku të kuqtë paraqitën prova lidhur me mbrojtjen në çështjen “Çinari”.
Demat janë dënuar nga FIFA me bllokimin e dy sesioneve të merkatos dhe me 83 mijë euro gjobë, ndërsa lojtari shkodran me 4 muaj pezullim.
Për shkak të situatës së Covid-19, gjyqi me CAS është zhvilluar online, teksa veç avokatëve spanjollë, ka dhënë opinionin edhe drejtori Olsi Rama si dhe dëshmitarë dhe protagonistë që kanë dijeni për transferimin e shkodranit te Partizani.
Për këtë, Federata Shqiptare e Futbollit ka dërguar të gjitha dëshmitë dhe dokumentet përkatëse, ndërsa ka qenë Marjus Sulejmani, shef pranë sektorit të garave që ka dëshmuar gjithë rregullsinë e ndjekur nga Partizani.
