Kur mund të sigurojë Shqipëria një vaksinë anti-Covid? Mbrëmjen e djeshme zyrtarë të Ministrisë së Shëndetësisë deklaruan se vaksina do tv sigurohet në 3 muajt e parë të 2021. E ndërsa pjesa më e madhe e vendeve flasin me data, në Shqipëri nuk ka një datë, madje flitet me 3-mujorë.
Mjeku i njohur Petrit Vargu, përmes një postimi në rrjet, shkruan se ndërsa të gjitha shtetet e Evropës kanë prenotuar vaksina më tepër se trefishi i popullsisë, duke marre parasysh të gjithe koeficientet për një vaksinim të mirë, qeveria jonë bën çmos për të ulur numrin e vaksinave të domosdoshme për popullsine.
“Megjithëse jeni të vetmit që nuk kemi asnjë datë të saktë, por vetëm propagandë, sharlatanët të prenotuar në TV që i bejne fresk pushtetit, vazhdojnë të bëjnë propagandë për rrezikun e bërjes së vaksinave. Te inkluduar janë edhe disa pseudo- showman të diskredituar”, shkruan Vargu.
