Me dy supersfidat e kësaj të mërkure, Serie A do ketë një projekson edhe më të qartë se cilët do të jenë kandidatët me potencial për titull.
Në mbrëmje, Inter sfidon Napolin, Juventus pret Atalantën, ndërsa Milan udhëton drejt Genoas. Dueli që do të luhet në “San Siro” shfaqet më i ekuilibruari ndër të tre. Inter vjen pas katër fitoresh me radhë, ndërsa skuadra e Gattusos synon të arrijë pikërisht këtë bilanc përballë zikaltërve të Contes.
Në “Allianz Standium”, Juventus dhe Atalanta ndodhen në një situatë pak a shumë të njëjtë. Të dyja klubet vijnë të motivuara nga sukseset në Europë dhe të dyja klubet kanë një lojtar argjentinas çështje në skuadër.
Bardhezinjtë nuk kanë zgjidhur ende çështjen e rinovimit të Paolo Dibalas, ndërsa zikaltrit mund të shohin largimin e Papu Gomes në janar pas konfliktit me trajnerin Gasperini. Andrea Pirlo, ndërkohë, kërkon fitoren e tretë me radhë në kampion, e cila do ta mbante mes kryesuesve.
Sfidat e mbrëmjes së sotme në Serie A:
