Kryeministri Edi Rama emëroi sot Bledi Çuçin si ministër të Brendshëm, vendim ky që ka sjellë reagime të ndryshme.
Analisti Baton Haxhiu, i njohur për qëndrimet pro Rama, u shpreh sot në studion e Abcnews se emërimi i Çuçit tregon se Kryeministri bëri një hap të kujdesshëm, duke shmangur një konflikt apo përplasje me presidentin Ilir Meta përpara zgjedhjeve.
“I kujdesshëm për të mos zgjedhur një njeri që ka ashpërsi, një karakter që edhe në dukje edhe në veprim është ashtu. Rama e njeh Bledin se çfarë është puna e tij.
Rama nuk dëshiron konflikt para zgjedhjeve, nuk do ashpërsi. Ndryshe do dërgonte në presidencë një njeri që presidenti do e refuzonte duke i lënë peshën Metës.
Ose ta linte vendin pas ministër të Brendshëm për t’ia lënë në dorë presidentit. Duke qenë se kritikat ndaj kryeministrit ka qenë se përzgjedh femra në poste të tilla dhe ato nuk i përmbushin kushtet, e kanë bërë që të përzgjedhë një njeri që nuk është konfliktual. Unë po të isha do veproja ndryshe”, tha Haxhiu.
