Policia e Korçës arrestoi 2 persona, pasi u kapën duke transportuar refugjatë.
Policia njofton se personat e arrestuar janë G. D., 36 vjeç dhe A. J., 23 vjeç, banues në Pogradec.
Sipas të njëjtave burime: Ata u arrestuan në aksin rrugor Pogradec-Qafë Thanë, pranë fshatit Hudënisht, duke transportuar në drejtim të Tiranës, me mjetin fuoristradë tip “Benz”, të cilin e drejtonte shtetasi G. D., shtatë emigrantë të paligjshëm, të cilëve kundrejt shpërblimit, iu kishin premtuar kalimin drejt vendeve të BE-së.
A.J., në momentin kur Policia po ushtronte kontroll ndaj tij, ka tentuar të largohet, por është kapur dhe ndaluar.
Ndaj tyre janë ngritur akuzat për veprat penale “Ndihma për kalim të paligjshëm të kufijve” kryer në bashkëpunim dhe “Mosbindja ndaj urdhrit të punonjësit të policisë së rendit publik”.
