Epidemiologu Ilir Alimehmeti tha se familja mbetet vatra kryesore e përhapjes së Covid-19. Në këtë kuadër, Alimehmeti tha se duhen shmangur grumbullimet apo festat me shumë persona.
“Familja mbetet vatra kryesore, ndaj edhe unë do të sugjeroja që duhen të shmangen festimet jashtë familjes.
Mendoj se gjithashtu duhen shmangur grumbullimet, sikundër duhen të respektohen këto distancat prej dy metrash.
Një tjetër moment i rëndësishëm është që nuk duhen ngatarruar klasat e shkollave, pra nuk mund të trajtohen njëlloj rastet e shkollave fillore, ku rreziku është shumë i vogël, me Universitetet ku rreziku është shumë i madh”, tha Alimehmeti.
Sipas epidemiologut, në javën e fundit ka një rënie me rreth 6 % të numrit të rasteve zyrtare të deklaruara me koronavirus krahasuar me 1 javë më parë.
Gjithashtu Alimehmeti theksoi se ka edhe një ulje të pacientëve që shtrohen në spitale, kjo referuar shifrave zyrtare.
