Kryeministri Edi Rama mëngjesin e sotëm ka vizituar sërish familjen e Klodjan Rashës, 25 vjeçarit të vrarë nga një efektiv policie.
Nuk dihet sepse Edi Rama brenda pak ditësh ka bërë një tjetër vizitë në familjen Rama, ndërkohë që një ditë më parë në vendimin e qeverisë, ku përcaktohej edhe një formë dëmshpërblimi financiar, vrasja e 25-vjeçarit, konsiderohej si aksidentale.
Kjo ka sjellë reagimin e familjarëve të viktimës, që e konsideruan si “vrasje për herë të dytë të Klodianit”.
“Ajo nuk është version, ajo është devijim nga gjithçka dhe ajo është një vrasje për së dyti. Vrasje e dytë. Ajo është vrasje me paramendim. Vrasje me paramendim. Dhe nuk ka asnjë lloj alibie”, reagoi babai i Klodian Rashës, një ditë më parë.
Ngjarja e rëndë ka sjellë reagime të shumta në opinionin publik ku prej 6 ditësh zhvillohen protesta në kërkim të drejtësisë, ku pas dorëheqjes së ministrit të Brendshëm Sandër Lleshaj, protestuesit kërkojnë edhe dorëheqjen e Drejtorit të Përgjithshëm të Policisë Ardi Veliu.
Nuk dihet se çfarë po tenton Kryeministri të arrijë me vizitat e shpeshta në familjen e 25-vjeçarit, i cili u qëllua për vdekje, pas shpine, 1 javë më parë, nga një efektiv i repartit Shqiponja, ndërsa ngjarja u tentua të manipulohej.
Kryeministri si rrallë herë ka preferuar që këtë vizitë në familjen e Klodian Rashës të mos e publikojë në rrjetet sociale apo përmes ERTV, ku zakonisht publikon aktivitetet apo vizitat e ndryshme që realizon.
