Kreu demokrat Lulzim Basha u shpreh sot se ashtu sikundër 10 vjet më parë u realizua lëvizja e lirë e qytetarëve shqiptarë në hapësirën Schengen, me një bashkim të ri të shqiptarëve, do të mund të realizohet edhe anëtarësimi i vendit në BE.
Basha tha se sapo të largojmë të keqen, do të ecim përpara bashkë me shqiptarët, për të bërë realitet ëndrrën e çdo shqiptari.
“Jo një qeveri që punon për vete dhe oligarkët, por një qeveri që punon për shqiptarët. Askush nuk e beson më Edi Ramën dhe ky është thelbi i çdo revolte, i të rinjve shqiptarë, ndaj një qeverie e cila premton por nuk mban fjalën.
Për 7 vite, Edi Rama shkatërroi ekonominë, pronën publike dhe private. Vendi është në krizë të thellë si pasojë e korrupsionit, mungesës së paketave të ndihmës, të rritjes së taksave. Edi Rama, në vitin e fundit, solli një tjetër paketë që i shërben oligarkëve.
Ka ardhur koha jo për një rotacion, por për një ndryshim real”, tha Basha.
