Një aksident me vdekje ka nodhur këtë të Shtunë në Fier, ku një 60-vjeçar ka humbur jetën. Ai ishte nën drejtimin e një motori, që u përplas me nje makinë.
“Rreth orës 14:00, në aksin rrugor Fier-Fermë, në vendin e quajtur ‘Kalçeto’, shtetasi A.S., 26 vjeç, banues në Fier, duke drejtuar mjetin tip ‘Benz’ është përplasur me një motorçikletë tip ‘Lifan’ me drejtues shtetasin R.T., 60 vjeç, i cili ka ndërruar jetë. Drejtuesi i mjetit tip ‘Benz’ është shoqëruar në Komisariatin e Policisë Fier dhe po kryhen veprimet procedurale”, njoftoi policia.
Grupi hetimor ndodhet në vendngjarje dhe po punon për zbardhjen e plotë të ngjarjes, shtuan të njëjtat burime.
