Policia e drejtuar nga Ardi Veliu ka nisur arrestimet masive në Tiranë ndaj qytetarëve që kanë marrë pjesë në protestën e ditës së 3-të, pas vrasjes së Klodian Rashës nga një efektiv policie.
Fotot e mëposhtme tregojnë momentet kur i riu dhunohet dhe shoqërohet nga efektivët.
Forcat Speciale janë angazhuar në aksione, duke gjurmuar të rinjtë, që u shpërndanë më parë me gaz lotsjellës. ajo që tërheq vëmendjen është se në momentin e kapjes dhe prangosjes, ndaj protestuesve ushtrohet dhunë. Ato goditen me grushte e shkelma, tërhiqen zvarrë dhe më pas transportohen drejt komisariateve apo Drejtorisë së Policisë.
Nuk dihen ende se sa është numri i të shoqëruarve nga policia, por raportohen disa dhjetra të rinj të moshës 15 deri 25 vjeç.
