Kreu i FRPD-së, Belind Këlliçi, ka reaguar ashpër ndaj dhunës së ushtruar nga ana e policisë mbi protestuesit, të cilët kërkojnë drejtësi për vrasjen e Klodian Rashas.
Këlliçi i ka kërkuar Ramës të ndalë dhunën e policisë ndaj protestuesve, si dhe i ka bërë thirrje Drejtorit të Përgjithshëm të Policisë së Shtetit, Ardi Veliu, të heqë kapelen, distinktivin dhe armën dhe të japë urgjentisht dorëheqjen si efektivi nr.1 i dhunës policore.
Postimi i plotë i Belind Këlliçit:
Edi Rama ndalo zemëratën e policisë ndaj protestuesve! Ndalo urgjentisht dhunën e pajustifikuar si në video!
Dhuna pjell vetëm dhunë.
Thirrje Drejtorit të Përgjithshëm të Policisë së Shtetit, Ardi Veliu, të heqë kapelen, distinktivin dhe armën. Të japë urgjentisht dorëheqjen si efektivi nr.1 i dhunës policore!
