Ministri i Brendshëm Sandër Lleshaj ka reaguar për herë të parë pas vrasjes së 25-vjeçarit Klodian Rasha, nga një punonjës i Policisë së Shtetit, konkretisht i forcave “Shqiponja”. Lleshaj shpreh ngushëllimet për familjen e cila humbi djalin e saj, dhe shpreh besimin se ngjarja do të zbardhet, ndërsa shton se të gjithë kanë nevojë për sqarimin e plotë të rrethanave.
Sipas Lleshajt në momentet që flasim e vërteta është ngushëllimi më i madh dhe më i sinqertë për familjen, ndërkohë që ndryshe nga sa pritej, në asnjë rast ai nuk përmend dorëheqjen nga detyra, që ka qenë dhe një kërkesë nga aktivistë dhe qytetarë.
E VËRTETA ËSHTË NGUSHËLLIMI MË I MADH
Ka shumë arsye se përse e ndjej fort se çfarë do të thotë humbja e Klodian Rashës për prindërit dhe familjarët e tij. Në këto çaste të hidhërimit të madh, u shpreh atyre ngushëllimet e mia më të thella për këtë humbje tragjike.
Në të njëjtën kohë, shpreh besimin tim të plotë se organet ligjore përgjegjëse do të finalizojnë shpejt, saktë, drejt dhe jashtë çdo ndikimi hetimet për vrásjen e Klodian Rashës.
Kjo ngjarje ka prekur shumë njerëz, të afërm të viktimës, qytetarë të zakonshëm, pjesëtarët e Pòlicisë së Shtetit dhe gjithë të tjerët.
Sot të gjithë kanë nevojë për qartësimin e plotë dhe shterues të rrethanave që sollën këtë ngjarje tragjike dhe autoritetet përgjegjëse ligjore duhet të përmbyllin sa më shpejt detyrën e tyre në shërbim të së vërtetës dhe të drejtësisë.
Klodian Rasha u vrá në orët e para të mëngjesit të së martës, nga një punonjës i Shqiponjave, i cili tashmë ndodhet pas hekurave, për shkak se nuk ka respektuar ligjin për përdorimin e ármëve. Ngjarja u tentua që të manipulohej fillimisht, duke thënë se i riu kishte ármë dhe ishte me precedentë penal, por me kalimin e orëve duket se kjo ishte një sajesë e pòlicisë, për të shpëtuar sadopak imazhin.
Sipas të dhënave nga grupi hetimor, Klodian Rasha, 25-vjeçari i vrárë nga efektivi i forcave “Shqiponja”, N. Hajdaraj, nuk ka qenë i ármatosur në momentin kur është qëlluar. Burime të sigurta nga grupi hetimor bëjnë me dije për Fax news, se refuruar hetimeve të deritanishme, rezulton se i riu në momentin që është qëlluar nuk ka qenë i ármatosur.
Hetuesit kanë dalë në këtë përfundim, pasi nga kqyrja e vendit të ngjarjes rezulton se 25-vjeçari kur është qëlluar nga pòlici është rrëzuar në tokë duke humbur ndjenjat. Dhe nga kqyrja që hetuesit kanë kryer, ka rezultuar se përvecse në vendin e ngjarjes, nuk ka asnjë njollë gjáku tjetër, çka vërteton se pasi ka marrë goditjen Rasha nuk ka mundur të ecë më shumë se gjysmë metri. Nga informacionet që Fax news ka siguruar nga grupi hetimor, mësohet se ka pasur një pellg gjáku vetëm në vendin ku Klodian Rasha është qëlluar.
Duke qenë se árma që sipas pòlicisë dyshohet se i përkiste viktimës, është gjendur rreth 100 m larg nga vendi ku u qëllua i riu, dhe përgjatë kësaj distance hetuesit nuk kanë konstatuar asnjë njollë tjetër gjáku, ata kanë dalë në përfundimin se Klodjan Rasha ka qenë i paármatosur kur është qëlluar nga efektivi i pòlicisë. Ndërkohë, që ende nuk është vërtetuar nëse árma e sekuestruar 100 m larg vendngjarjes, ka qenë apo jo e viktimës.
Ajo është dërguar në laboratorin e krìminalistikës ku do i bëhet ekspertiza nëse ka gjurme gishtërinjsh apo jo të 25-vjecarit Klodian Rasha. Por, edhe nëse kjo ármë rezulton nga përgjigja e ekspertizës të ketë qenë e Rashës, ai e ka hedhur atë kur është ndjekur nga pòlici, dhe ka qenë i paármatosur kur është qëlluar drejt tij çka do të thotë se efektivit të pòlicisë nuk i është rrezukuar në asnjë moment jeta.
