Në emisionin “Opinion” në mbrëmjen e sotme po diskutohet mbi vrasjen e 25-vjeçarit Klodian Rasha nga një efektiv policie.
Gazetari Spartak Koka tha se disponon foto të viktimës, të cilat nuk u publikuan pasi familja e vktimës nuk ishte dakort.
Koka tha se familjarët pretendojnë se 25-vjeçari është qëlluar me dy plumba, një prej të cilëve në kokë.
“Unë kam fotot që tregojnë se viktima në kokë ka një qepje të madhe. Nuk e di nëse ka pasur një përleshje që i ka shkaktuar hematomat viktimës, apo është goditje me armë”, tha Koka.
Fotot qarkulluan mes të ftuarve në emision, ndërsa u hodhën dyshime se ndaj viktimës mund të ketë pasur dhunë, dhe më pas të jetë qëlluar me armë.
