Ylli Manjani, ish-ministër i Drejtësisë, ka reaguar përmes një postimi në rrjetet sociale, lidhur me vrasjen nga policia të një të riu, në orët e para të mëngjesit të sotëm.
Manjani shkruan se nëse është i vërtetë lajmi se Prokuroria e ka përjashtuar Policinë e Tiranës nga hetimi për vrasjen e të riut në Laprakë nga kjo e fundit, mendoj se është vendimi i duhur.
Sipas ish-ministrit, Policia e Tiranës dhe në tërësi polica duhet përjashtuar nga hetimi sepse ajo ka gjuajtur mbi të riun. Për të mirë apo për të keq ky është fakti.
“Hetimi i paanshëm duhet të zbulojë sa i ligjshëm ishte reagimi ekstrem i policisë.
Ngjarja është padyshim e rëndë!
Në Francë, Amerikë e kudo tjetër këto ngjarje janë shkak për reagime masive popullore. Por temë tjetër kjo.
Unë mbështes pa asnjë ekuivok vendimin e Prokurorisë për të marrë në dorë frenat e hetimit të kësaj çështje. Deri sa të kemi një konkluzion mirë është të mos nxitojmë në reagime”, shkruan Manjani.
Postimi nga Ylli Manjani
Nëse është i vërtetë lajmi se Prokuroria e ka përjashtuar Policinë e Tiranës nga hetimi për vrasjen e të riut në Laprakë nga kjo e fundit, mendoj se është vendimi i duhur.
Policia e Tiranës dhe në tërësi polica duhet përjashtuar nga hetimi sepse ajo ka gjuajtur mbi të riun. Për të mirë apo për të keq ky është fakti.
Hetimi i paanshëm duhet të zbulojë sa i ligjshëm ishte reagimi ekstrem i policisë.
Ngjarja është padyshim e rëndë!
Në Francë, Amerikë e kudo tjetër këto ngjarje janë shkak për reagime masive popullore. Por temë tjetër kjo.
Unë mbështes pa asnjë ekuivok vendimin e Prokurorisë për të marrë në dorë frenat e hetimit të kësaj çështje. Deri sa të kemi një konkluzion mirë është të mos nxitojmë në reagime.
Por një gjë është e dukshme. Karikimi që i bëhet policisë për ta turrur kundër njerëzve çon padyshim çon në ekstremizma. U bë kohë kështu…
Nejse, le të presim hetimin e prokurorisë si fillim.
