Një aksident me pasojë plagosjen e një personi ka ndodhur këtë mbrëmje në Tiranë.
Mësohet se një i ri ka humbur kontrollin e mjetit duke përfunduar në lumin e Lanës.
Gjendja e tij raportohet jashtë rrezikut për jetën ndërsa ende nuk dihen shkaqet dhe rrethanat e ngjarjes.
Njoftimi i Policisë:
Me datë 08.12.2020, rreth orës 22:15, mjeti me drejtues shtetasin A.P, 20 vjeç, ka humbur kontrollin e mjetit duke dalë jashtë rruge, ku ka përfunduar në lumin e Lanës. Drejtuesi i mjetit ka marrë disa dëmtime të lehta dhe është dërguar në spital, për ndihmë mjekësore, jashtë rrezikut për jetën.
Grupi hetimor dhe sherbimet e Policisë ndodhen në vendngjarje dhe vijon puna për sqarimin e rrethanave të ngjarjes.
