Kreu i Partisë Demokratike Lulzim Basha urimin e tij pë 8 Dhjetorin e nis me thirrjen e 30 viteve më parë ‘ E duam Shqipërinë si gjithë Evropa’. Basha publikon edhe videon e protestave të dhjetorit 1990, ku të rinjtë student, të cilëve iu bashkuan edhe mijëra qytetarë vërshuan në rrugë me parrura kundër regjimit dhe me thirrje për një Shqipëri ndryshe.
Postimi
8 Dhjetori, Basha uron me thirrjen e rinisë: Në 30 vjetorin e lëvizjes së dhjetorit le t’i nderojmë ata me zotimin për të bërë realitet Shqipërinë si gjithë Europa!
E duam Shqipërinë si gjithë Europa!
Kjo ishte thirrja e tyre, teksa kapërcenin barrierat policore dhe dhunën e regjimit.
E duam Shqipërinë si gjithë Europa!
30 vjet më parë, heronjtë e rinisë shqiptare ndryshuan përgjithmonë fatin e Shqipërisë. Ata luftuan për liri, për demokraci, për të drejtat e njeriut – dhe fituan.
Në 30 vjetorin e lëvizjes së dhjetorit le t’i nderojmë ata me zotimin për të bërë realitet Shqipërinë si gjithë Europa!
