Infermieri Pëllumb Maletaj është një nga qytetarët që ka humbur jetën si pasojë e Covid-19. Djali i tij, Dorian Maletaj, i është drejtuar me një mesazh ministres së Shëndetësisë, Ogerta Manastirliu, e cila ka preferuar që t´a fshijë reagimin e tij nga rrjetet sociale.
Kështu pas show dhe propogandës, duket se Manastirliu ka marrë edhe rolin e censuruesit në rrjet, duke fshirë ato komente që mund të duken kritike, por që në të vërtetë zbulojnë atë që fshihet nga propoganda qeveritare.
Djali i infermierit të ndjerë, pasi i është fshirë komenti i parë dhe është bllokuar nga stafi i ministres, ka hyrë sërish në profilin e saj dhe i ka lënë këtë koment të mëposhtëm.
‘Përshëndetje Zonja ministre.
Jam Dorian Maletaj, i biri i Pëllumb Maletaj, infermier që ka kontribuar 35 vite në mjekësi dhe që vdiq nga Covid-19.
Turp tju vijë që ma fshitë komentin dhe më bëtë spam, pasi as nuk ofendova dhe as mallkova njeri, por tregova realitetin e trishtë që ka përfshirë të gjithë sistemin shëndetësor në Republikën e Shqipërisë
Ju do e fshini prapë këtë koment se kështu jeni mësuar që t’u hidhni hi syve njerëzve me gënjeshtra dhe mashtrime që vetëm njerëzit që nuk e kanë provuar dhimbjën që të shkakton kjo flamë ju besojnë
Por ta dini edhe njehërë Zoti është i madh dhe i vlerëson gjërat më mirë, ju vazhdoni të fshini komente dhe nxirrni videon por prapë më adresa të tjera do komentoj.’
