Moderatorja Einxhel Shkira, me anë të një statusi në Instastory, bëri me dije se nuk do të jetë me pjesë e “Binjakët show”, vetëm pak javë pas nisjes së transmetit të tij.
Moderatorja u pyet nga ndjekësit në Instagram për motivet e ‘ndarjes’ me aktorët Romeo dhe Donald Veshaj. Einxheli nuk ishte e drejtpërdrejtë në përgjigjet që dha por la të nënkuptohej se arsyeja që kishte ikur nga ky program ishin pagesat, ose më saktë, mungesa e tyre.
E pyetur se çfarë dëshiron që të zhduket bashkë me Covid-19, Shkira zgjodhi njerëzit që nuk janë korrektë me pagesat.
“Njerëzit jo korrektë me pagesat, e dini çfarë dua të them,”- shkruan Einxheli.
Moderatorja shtoi dyshimet se ka qenë shkaku i pagesave që e ka larguar nga Vizion Plus teksa shtoi: “Nuk dua të besoj më premtimet boshe, në aspektin professional, se në atë persona s’kam bërë gabime!”
