Trajneri i Interit, Antonio Conte, është shprehur i lumtur për fitoren e arritur mbrëmjen e djeshme kundër Bolognas. Ziklatrit fituan me rezultatin 3-1 në “San Siro” dhe tashmë kanë blinduar vendin e dytë në klasifikimin e Serie A. Tekniku italian është ndalur dhe më gjerësisht tek ndryshimi që po ndodh me ekipin .dhe foli specifikisht për disa nga lojtarët e tij.
BOLOGNA – “Goli i Bologona ishte i papritur dhe ne duhet të luajmë më mirë. Në situata të tjera lëmë lojëra të hapura, edhe pse ne kemi dominuar gjatë gjithë ndeshjes. Nuk duhet të harrojmë se kemi patur një eksperiencë jo të mirë me Bologna në korrik, kur humbëm një penallti dhe humbëm një ndeshje me 10 lojtarë në fushë. Këtë herë ishim më të vendosur dhe të përqëndruar”.
SKEMAT – “Ndryshe nga vendet e tjera, në Itali luhet një futboll shumë taktik. Ne po punojmë mirë dhe po përpiqemi të gjejmë një ekuilibër. Kundërshtarët të studiojnë shumë mirë këtu dhe kështu ne na u desh të gjenim një stil të ri loje dhe të jemi më pak të parashikueshëm. Djemtë kanë filluar të mësojnë dhe nëse nuk janë të përqëndruar pësojmë gola, të cilat mund të shmangen shumë mirë”.
HAKIMI– “Është vetëm 20 vjeç dhe ka luajtur dy sezone me Dortmund. Hakimi është mësuar me një stil më pak taktik të futbollit. Po punon shumë dhe e ka kuptuar ndryshimin mes lojës në Gjermani dhe Itali. Mendoj se është në ekipin e duhur dhe me trajnerin e duhur për t’u bërë një nga më të mirët në botë në rolin e tij”.
LUKAKU – “Ai mund të bëhet edhe më i fortë. Që kur kam ai erdhi e ndjeva se mund të bëhej një nga sulmuesit më të mirë në botë. Romelu është në rrugën e duhur dhe ka gjithçka që i duhet. Është me fat që ka fizikun e një sulmuesi, por dhe ritmin e fuqinë e një qëndërmbrojtësi të Futbollit Amerikan”.
ERIKSEN – “Raporti im me Christian është i njëjtë si me të gjithë lojtarët e tjerë. Unë kurrë nuk do të lodhem së shpjeguari se ajo që bëj me zgjedhjet e mia është për të mirën e Interit. Eriksen është duke punuar dhe është në dispozicionin tonë”, përfundon Conte. /abcnews.al
