Kjo javë pritet të jetë shumë e rëndësishme. Britania do të nisë vaksinimin kundër kovidit, pasi autorizoi vaksinën Pfizer.
Nga ana tjetër, shefi i vaksinave në SHBA, u shpreh optimist dhe beson se më 17 dhjetor kur FDA të mblidhet për të diskutuar për vaksinën Ffizer, do të miratojë përdorimin e saj.
Dr Slaoui kryeson Operacionin Warp Speed, programin e qeverisë amerikane për të prodhuar dhe shpërndarë me shpejtësi vaksinat ndaj Covid-19.
“Bazuar në të dhënat që unë di, unë pres që FDA të marrë një vendim pozitiv. Por sigurisht, është vendimi i tyre. Dërgesa e parë e vaksinës do të ndodhë të nesërmen pas aprovimit të vaksinës” tha ai.
Pasi të jetë dhënë miratimi i FDA në SH.B.A., vaksina pritet të vihet në dispozicion së pari për punonjësit e kujdesit shëndetësor dhe tre milion të moshuar që jetojnë në shtëpitë e kujdesit. U takon shteteve të vendosin se cilat grupe duhet të marrin përparësi më pas.
Dr. Slaoui tha se efektiviteti i vaksinave pritet të japë rezultat në janar ose shkurt.
“Por në bazë të popullsisë, që jeta jonë të fillojë të kthehet në normalitet, do të presim prillin ose majin. Prandaj, është absolutisht jetësore që të gjithë të ngushëllohen me faktin që ne kemi dritë në fund të tunelit dhe të gjejmë energjinë për të vazhduar të mbajmë maskat, distancën, të lajmë duart për t’u siguruar që ne deri në pranverë do të përfitojmë nga vaksina”.
