Në Presidencë është hedhur shorti për anëtarët e KED, që marrin zyrtarisht detyrat më 1 janar 2021 dhe e përfundojnë në 31 dhjetor 2021.
Nga shorti i hedhur, si anëtarë të KED-së nga Gjykata Kushtetuese janë zgjedhur Marsida Xhaferllari dhe Elsa Toska, ndërsa anëtare zëvendësues po nga kjo Gjykatë në KED është zgjedhur Fiona Papajorgji.
Nga Gjykata e Lartë si anëtarë në KED është zgjedhur Ervin Pupe, ndërsa anëtar zëvendësues po nga kjo Gjykatë është zgjedhur Ilir Panda.
Nga Prokuroria e Përgjithshme, anëtarë për KED, u zgjodh prokurori Adnan Xholi, ndërsa si anëtar zëvendësues u zgjodh Kujtim Luli.
Nga Gjykatat e Apelit si anëtarë të KED janë zgjedhur Astrit Kalaja dhe Elona Toro, ndërsa si anëtar zëvendësues po nga kjo Gjykatë është zgjedhur Zeqine Sollaku.
Nga Prokuroritë e Apelit janë zgjedhur si anëtarë të KED-së, Gjon Fusha dhe Genti Xholi, ndërsa si anëtar zëvendësues është zgjedhur Kleand Zeka.
Nga Gjykatat Administrative, anëtare e KED, u zgjodh Rilinda Selimi, ndërsa si anëtar zëvendësues u zgjodh Gentiana Xhelili.
