Përfundojnë edhe duelet e orës 21:00 në Europa League. Arsenali nuk hasi probleme në fushën e vet kundër Rapid Vienna, fitoi 4-1 ndaj austriakëve dhe siguroi kualifikimin si e para e Grupit B.
Lacazette, Mari dhe Nketiah shënuan në pjesën e parë, teksa “pokeri” i Gunners u vulos nga Smith Rowe.
Fitore shtëpiake arriti edhe Roma, që siguroi vendin e parë në grupin A. Verdhekuqtë mposhtën me përmbysje 3-1 Young Boys në “Olimpico”, takim ku u realizua një eurogol nga 18-vjeçari Riccardo Calafiori.
Roma shpallet fituese e Grupit A duke kaluar në fazën me eliminim direkt, ndërsa për skuadrën e dytë që do të kualifikohet duhet pritur ndeshja e fundit.
Barazim 1-1 në Holandë mes AZ Alkmaar dhe Napolit të Gattusos. Dries Mertens kaloi miqtë në avantazh në minutën e gjashtë, por AZ barazoi me anë të Martins Indi në minutat e para të pjesës së dytë.
Në barazim u mbyll edhe dueli tjetër i grupit F. Sociedad nuk shkoi më shumë se rezultati 2-2 në Spanjë përballë Rijekës.
Asnjë skuadër nuk e ka siguruar kualifikimin në këtë grup. Napoli kryeson me 10 pikë, teksa ndiqet nga Sociedad dhe AZ Alkmaar me nga 8 pikë. Java e fundit sjell duelet Napoli-Sociedad dhe Rijeka-AZ Alkmaar.
Rezultatet e ndeshjeve të orës 21:00:
