Dyshonte se ishte infektuar me Covid-19, tenton vetëvrasjen 57-vjeçari. Ngjarja raportohet se ka ndodhur mbrëmjen e djeshme në Tiranë, ndërsa shtetasi R.SH ka tentuar që të priste damarët në banesën e tij.
Ai ka deklaruar në Polici se kërkonte që t’i jepte fund jetës, për shkak të dyshimeve se ishte infektuar nga Covid 19.
Mësohet se 57-vjeçari është dërguar me urgjencë nga ana e familjarëve në spital, ku ndodhet jashtë rrezikut për jetën.
Nuk jepen detaje nëse ai ka pasur apo jo shenja të Covidit, që e ka thënë dhe si shkak për të ndërmarrë vendimin ekstrem.
