Komiteti Teknik i Ekspertëve nuk ka propozuar në asnjë moment mbylljen në fundjavë. Deklarata u bë nga zv.ministrja e Shëndetësisë Mira Rakacolli, drejtuese e Komitetit Teknik të Ekspertëve.
Sipas saj, në situatën që jemi nuk është e nevojshme një mbyllje e tillë, ndërsa nuk përjashtoi mundësinë e një vendimi tjetër në varësi të situatës.
“Nëse masat do të zbatohen nuk do të ketë një përkeqësim të situatës”, tha Rakacolli. Sipas saj, sot jemi në fazën që nuk do të lejohen më shumë se 10 persona në lokale dhe restorante, ndalohen takimet e më shumë se 10 personave në ambiente të hapura apo të mbyllura, tubimet etj.
“Kjo masë nuk ka asnjë afat për tu zbatuar”, theksoi Rakacolli.
Komiteti i ekspertëve ka bërë një analizë të thelluar do të ndalohen grumbullimi i mbi 10 personave, ceremonitë e festave, mortore, do të jetë në fuqi kufizimi i qytetarëve nga ora 22:00 deri në 06:00 shkollat do të vijojnë me mësim të alternuar dhe online, universitete do të vijojnë online.
Konferencë e komitetit teknik të ekspertëve për situatën e epidemisë dhe masat anti-covid19, ku ka vendosur që të rikthejë sërish orën policore të lëvizjes.
