Duke drejtuar një “Ford Fiesta”, i riu me origjinë shqiptare u përplas me një nga pemët anës rrugës përgjatë Matteotti, në Argenta.
Sipas informacioneve, përplasja ishte aq e fortë, sa drejtuesi i mjetit nuk arriti të mbijetonte.
Një 22 vjeçar shqiptar, i identifikuar si Gevis Muhaj, ka humbur jetën tragjikisht në një aksident në Itali. Mediat e huaja raportojnë se, drejtuar një “Ford Fiesta”, i riu u përplas me një nga pemët anës rrugës përgjatë Matteotti, në Argenta.
Aksidenti tragjik ndodhi dje rreth orës 14:30.
Goditja ishte aq e fortë sa shkatërroi makinën thuajse totalisht. Ndërsa pas përplasjes së parë, mjeti u përplas me një tjetër pemë.
Ndërhyrja e ekipit zjarrfikës Portomaggiore ishte e nevojshme për të nxjerrë trupin e pajetë, midis llamarinave të makinës.
22-vjeçari jetonte në Itali bashkë me dy prindërit dhe motrën e tij.
