Autoriteti i Konkurrencës në Itali ka gjobitur Apple me 10 milionë euro për mesazhin se IPhone është rezistent ndaj ujit.
Rregullatori tha se kompania kishte reklamuar se disa modele iPhone ishin rezistente ndaj ujit pa sqaruar kushtet specifike. Gjatë disa testimeve dhe kontrolleve laboratorike, rezultoi se jo çdo apart plotëson kriterin.
Apple kishte promovuar disa pajisje iPhone si rezistente ndaj ujit për një thellësi maksimale deri në 4 metra në varësi të modelit dhe deri në 30 minuta.
Rregullatori shtoi se mohimi i Apple, duke thënë se telefonat e saj nuk ishin të mbuluar nga garancia në rast dëmtimi nga uji, ishte mashtrim për konsumatorët.
Apple gjithashtu akuzohet se nuk ka siguruar mbështetje për klientët kur iPhone-et e tyre ishin dëmtuar nga uji ose lëngjet, në kundërshtim me njoftimin e tyre të garancisë. Kjo për Autoritetin e Konkurrencës e ka përshkruar si një praktikë tregtare agresive.
