Pandemia e Covid-19 në Shqipëri duket se ka dalë jashtë kontrollit, ndërsa shiffrat po njohin një rritje eksponenciale. Një ditë më parë u raportuan 836 raste të reja me Covid, ose rreth 35 % e numrit të personave të testuar.
Nga të dhënat e sotme njoftohet se në Qarkun e Beratit janë regjistruar raste të reja te personeli i spitalit të këtij qyteti, edukatorë, mësues si dhe punonjës të administratës.
Sa i përket bluzave të bardha, kanë rezultuar pozitiv, një oksigjenist dhe një infermier i Repartit të Infektivit në Spitalin Rajonal të Beratit
1 infermier në Qendrën Shëndetësore në fshatin Cukalat dhe 2 infermiere në Qendrën Shëndetësore në Urë-Vajgurore.
Covid-19 ka prekur edhe edukatorë e mësues, ku janë konfirmuar:
Një mësuese në shkollën 9-vjeçare në fshatin Syzezë, 1 edukatore në kopshtin “Barrikadë” dhe një tjetër sanitare në kopshtin “Çlirim 1”.
Infektime ka pasur edhe në shumë institucione vendore në qarkun e Beratit, ku rezultojnë të prekur 1 punonjës administrate në bashkinë Berat, 1 specialist në Drejtorinë e Transportit në Berat, 1 operator shërbimi,1 shitëse dyqani ushqimor dhe 2 punonjëse fasonerie.
