Janë mbyllur 3 takimet e orës 13:45, të vlefshme për javën e 5-të të Kategorisë Superiore.
Laçi feston fitoren e parë të kampionatit, ndërsa Tirana e Teuta “fiksohen” mes barazimeve.
Kampionët në fuqi përballeshin me Kastriotin dhe shënuan të parët me anë të Ernest Muçit, por krutanët e pamposhtur deri më tani nuk dorëzohen.
Devid barazoi që në pjesën e parë dhe më pas pati sulme nga të dyja krahët, por nuk u shënua asnjë gol. Në fund krutanët pretenduan edhe për një penallti, por arbitri nuk mendoi ashtu. Barazim pati edhe në Ballsh, aty ku Bylisi e Teuta luftuan fort për të ndarë në fund nga një pikë.
Për të kaluar te Laçi, kurbinasit shkatërruan 6-1 Apoloninë. Ylli i takimit ishte Nwabueze, autor i një triplete, ndërsa shënuan edhe Xhixha (dopietë) dhe Marku.
