Ka disa njerëz që ankohen shpesh për faktin se nuk hanë shumë ushqim dhe sërish shtojë peshë. Mirëpo nuk është e gjitha vetëm tek sasia e ushqimit që konsumoni, por edhe disa zakone të përditshme që ndikojnë tek shtimi në peshë.
Për shkak të rutinës ne bëjmë disa zgjedhje të gabuara që kanë ndikim të drejtpërdrejtë në shëndetin tonë.
Nuk e shuani etjen me ujë
Nëse nuk pini ujë kur keni etje, por pije të tjera freskuese, patjetër do të shtonin sasinë e kalorive. Nëse moderoni ujin dhe pijet freskuese nuk do të keni më probleme me kilogramët e tepërt.
Mungesa e gjumit
Një ndër faktorët që ndikon më së shumti në shtimin e peshës është mungesa e gjumit të mjaftueshëm. Duket sikur gjatë gjumit nuk djegim kalori, por në fakt kjo nuk qëndron. Gjatë gjumit trupi ynë ushtron një aktivitet të plotë, edhe pse digjen më pak kalori se sa gjatë aktivitetit të përditshëm, apo gjatë aktivitetit fizik. Gjithashtu, edhe ndryshimet biokimike nga privimi i gjumit favorizojnë urinë, duke bërë që të hamë më shumë se zakonisht.
Stresi
Në ditët e sotme një faktor tjetër mjaft problematik që ndikon në shtimin e peshës është edhe stresi. Madje duhet të theksoj se stresi është një faktor i rëndësishëm i shtimit në peshë. Kjo pasi prania e situata stresuese ndikon në çlirimin e hormonit “kortizol”, që njihet edhe si hormoni i stresit. Kortizoli shton urinë dhe për pasojë do të hamë më shumë se normalisht kur nuk përjetojmë situata stresi.
Ushqimet Snacks
Shumë persona e kanë të vështirë t’i shmangin ushqimet e njohur si ‘snacks’, por të paktën mund të kuzizoheni në konsumimin e tyre. Për shembull kur uleni në divan për të parë filmin tuaj të preferuar hidhni në tas një sasi të moderuar të chipsave, pasi në këtë mënyrë mund të kontrolloni sesa hani.
