E turpshme/ Bashkia e Vlorës heq flamurin kuqezi nga ‘Varrezat e Dëshmorëve’ (Foto)

Bashkia e Vlorës është përfshirë në një skandal, pasi mëngjesin e sotëm ka zhdukur të gjithë flamujt kuq e zi nga monumentet e qytetit.

Bashkia ka hequr flamujt kuq e zi nga varrezat e dëshmorëve dhe nga Monumenti i Pavarësisë.

Nuk dihet se kush e ka dhënë këtë urdhër, por punonjësit në orën 10:30 të mëngjesit kanë hequr të gjitha flamujt.

Denoncimin e ka bërë zv/kryetari i LSI-së, Luan Rama.

Skandal i bashkisë së Vlorës:

LEXO EDHE  Probleme me pasurinë dhe figurën, ja çfarë e rrezikon karrierën e gjyqtares Klodiana Gjyzari

Hiqet flamuri kombëtar nga Varrezat e Dëshmorëve dhe Monumenti i Pavarësisë!

Sot kur e gjithë vetëdija jonë kombëtare nderon dëshmorët e kombit në ditën e çlirimit të atdheut, bashkia e Vlorës në ora 10:30 ka hequr flamurin kombëtar nga varrezat e dëshmorëve dhe nuk ka vënë asnjë flamur të vetëm pranë monumentit të pavarësisë!

Hipokrizia e hajdutëve të bashkisë së Vlorës fyen dhe nëpërkëmb ditën e shenjtë të çlirimit të atdheut!