Nesër në “Loro Boriçi” luhet takimi Vllaznia-Kukësi e vlefshme për javën e 5-të të Kategorisë Superiore.
Teksa kanë mbetur më pak se 24 orë nga sfida, zëvendëstrajneri i Kukësit, Rrahman Hallaçi, ka folur për mediat.
Në mungesë të trajnerit Gega, Hallaçi ia ka bërë të qartë shkodranëve se kush është Kukësi dhe se transferta e verilindorëve do jetë vetëm për tri pikë.
“Kemi një transfertë të fortē përballë një Vllaznie të mirë organizuar. Ne kemi objektivin tonë për këtë ndeshje, që do të thotë rezultat pozitiv. Jemi në ngritje nga dita në ditë dhe po punojmë më shumë kujdes në seancat stërvitore dhe objektivi është për ta fituar ndeshjen e radhës.”
“E dimë që është e vështirë, por jo e pamundur. Po ndërtojmë një grup lojtarësh të organizuar mirë taktikisht, pasi jemi një skuadër e re dhe po i kuptojmë këshillat që ne japim.”
“Nuk shkojmë me ndonjë problem drejt Shkodrës, jemi gati për këtë sfidë speciale. Na është rikthyer Kuper, por ende nuk është gati për lojë, pasi i duhen edhe disa seanca stërvitore. Vllaznia e di mirë se kush jemi.”
“Pra, jemi gjithmonë pretendentët kryesor, prandaj do të shkojmë për fitore në Shkodër. Nuk shkojmë për barazim sepse kemi bërë merkato cilësore për të marrë maksimumin në çdo ndeshje.”
