Humbje për futbollin portugez, vdes papritur trajneri rekordmen

Vitor Oliveira, një nga trajnerët me më eksperiencë në Portugali, u nda nga jeta ditën e sotme në moshën 67-vjeçare në mënyrë të papritur.

Ai u ndje keq gjatë një shëtitje në zonën e Matosinhos, ku ai qëndronte prej kohësh dhe më pas nuk ia doli të mbijetonte. Më vonë pritet të zbulohet edhe shkaku specifik i ndarjes së tij nga jeta.

LEXO EDHE  Përfundojnë 4 sfidat e javës së 15-të të Superiores, fitore e "çmendur" e Vllaznisë! ja rezultatet

Oliveira ishte për momentin pa një klub, por ishte shumë i njohur në futbollin portugez.

Në sezonin e shkuar ai ishte pjesë e Gil Vicente, teksa gjatë karrierës së tij ai regjistron 11 ngjitje të skuadrave të tij në elitën e futbollit portugez, duke merituar edhe nofkën “Mbreti i Ngjitjeve”.