Charlie Phillips, nënë e një fëmije, ka zbuluar se bashkëshorti i saj ka paguar plot 17,000 paund për operacionet plastike që ka bërë në mënyrë që të dukej si barbi.
Charlie nisi të bënte operacione pas problemit që kishte në shtyllën kurrizore, e cila bënte që kurrizi i saj të lakohej.
Në moshën 16-vjeçare, ajo bëri operacionin e parë për këtë problem dhe një vit më vonë iu nënshtrua një operacioni tjetër, i cili zgjati 14 orë. Por rezultati përfundimtar e shkatërroi Charlie-n, sepse rezultati ishte shumë i keq dhe i shkaktoi asaj humbje drastike të peshës. Dhe kështu, ajo vendosi të shndërrohej në gruan më të bukur që mund të mendonte: Barbi.
Në total, Charlie vlerëson se ‘përmirësimet’ e saj i kanë kushtuar 16.000- 17.000 paund. Të gjitha operacionet u paguan nga burri i saj, Ross, i cili ia pëlqen tiparet e reja si kukull Ajo gjithashtu ka bërë tatuazh buzët dhe vetullat.
“Padyshim që më pëlqen pamja si barbi dhe do të thoja që ajo është frymëzimi im. Më pëlqen beli i vogël, gjoksi i madh, buzë të mëdha dhe flokë të gjatë biondë. Thjesht ndihem më tërheqëse dhe më e sigurt kur kam flokë të gjatë biondë, dhe mbushës,“- u shpreh ajo.
Charlie është martuar me Ross para pesë vitesh dhe thotë se ai nuk mund të ngopet me pamjen e saj si barbi.
“Ai e do këtë, ai paguan për të gjitha procedurat e mia, takimet e mia për flokët, estetikën time dhe zbardhjen e dhëmbëve dhe të gjitha trajtimet,”- tregoi Charlie.
Ross, i cili zotëron një kompani ndërtimi, gjithashtu do të mbledhë para për rinoplastikën e ardhshme të Charlie, të cilën ajo shpreson ta ketë bërë në të ardhmen e afërt.
“Tani kam rezervuar në dhjetor për një operacion në hundë. Burri im do të paguajë për të. Unë akoma nuk jam 100 për qind e kënaqur me pamjen time dhe shpresoj, operacioni i ri i hundës që po planifikoj për momentin do të më ndihmojë shumë që të jem përfundimisht e lumtur.
Unë gjithashtu do të bëj mjekrën, faqet dhe buzët sapo të bëj hundën. Dhëmbët dhe gjoksi më kanë bërë shumë më të sigurt. Më parë nuk mund të buzëqeshja ose urreja të vishja bikini dhe tani ndihem si një person i ri,“- tha ajo.
Charlie gjithashtu punon tre deri në katër herë në javë dhe ha shëndetshëm pesë ditë në javë, duke lejuar ushqime me kalori pak më të larta gjatë fundjavës. Por ndërsa burri i Charlie mund të jetë një adhurues i madh i pamjes së saj, të tjerët nuk janë aq të kënaqur, sepse në Instagram, ajo merr shumë komente negative. Megjithatë, Charlie u shpreh se kishte zgjedhur që t’i injoronte ato.
