Partizani luan të dielën në orën 16:45 ndaj Skënderbeut në ndeshjen e vlefshme për javën e pestë të Kategorisë Superiore.
“Demat e Kuq” vijnë në këtë duel pas fitores 0-3 me Apoloninë, teksa janë rikuperuar nga dëmtimet Asani dhe Brown. Infermieria e kuqe është zbrazur, teksa Daja do ketë më shumë lojtarë në dispozicion.
Ndeshja ndaj korçarëve do të luhet në “Elbasan Arena” nën dritën e prozhektorëve. Duket se tanimë klubet janë qetësuar sa I takon stadiumeve edhe pse Demat do luajnë sërish larg kryeqytetit.
Në kushtet kur tifozët mungojnë në stadium dhe janë një minus në mbështetjen e skuadrës, rëndësi ka paraqitja në fushë dhe jo qyteti ku zhvillohet ndeshja.
