Diego Maradona humbi jetën ditën e mërkurë dhe vdekja e tij shkaktoi dhimbje të madhe, sidomos në Argjentinë dhe Napoli, aty ku është idhull dhe krenari e përjetshme. Turma të mëdha njerëzisht në rrugë për të nderuar “Zotin” e futbollit, teksa ditën e djeshme u regjistrua një fenomen i çuditshëm, që shkaktoi polemika dhe zemërim të madh.
Punonjës të agjencisë funerale që organizoi varrimin e “El Diez”, përfituan të bënin një foto me trupin e vdekur të 60-vjeçarit. Një person i quajtur Diego Molina dhe dy të tjerë, baba dhe bir, Claudio dhe Ismael Fernandez, guxuan të hapin arkivolin dhe të bënin foto me Maradonën. “Një provë tjetër që e keqja dhe budallallëku njerëzor nuk ka kufij.
Este sorete se sacó una foto con el cuerpo de Maradona en el cajón. Trabaja en la casa fúnebre que realizó el velatorio. Una prueba más de que la maldad y estupidez humana no tiene límites. Ojalá no quede impune. pic.twitter.com/YeyeylfZts
— Mauricio Luna (@mluna91) November 26, 2020
Shpresoj të mos mbeten pa u ndëshkuar. Edhe këta dy tipat kanë bërë të njëjtin gjest. Dalin në foto me një person të vdekur dhe buzëqeshin me gishtin e ngritur lart. Nuk arrij dot ta besoj“, shkroi gazetari Marco Luna. Në media të ndryshme qarkulloi një video e një personi të rrahur keq, që pretendohej se ishte Diego Molina. Një alarm fals dhe një video e rremë, teksa si Molina, i cili ka marrë kërcënime të shumta për gjestin e kryer, dhe dy personat e tjerë, janë pushuar nga puna për veprimin e kryer.
Jo vetëm kaq. Molina ishte pjesë e klubit Argentinos Juniors, me këta të fundit që e kanë pezulluar nga detyra që mbante. Ndërkohë, Claudio Fernandez ka kryer falje për veprimin që kreu bashkë me djalin e tij 18-vjeçar. “I kërkoj falje të gjithëve. Unë kam punuar me babanë e Diegos dhe kunatin e tij, kam qenë një person i afërt me Diegon kur ishte gjallë.
Nuk ka qenë kurrë qëllimi im të tregoj mungesë respekti ndaj tij. Ai ka qenë gjithmonë idhulli im dhe do vazhdojë të jetë. E di që shumë njerëz janë ofenduar nga veprimi ynë, e di që i kemi mërzitur, por dua t’u kërkoj falje me gjithë zemër të gjithëve“, deklaroi Fernandez për një radio argjentinase. /abcnews/
