UEFA i ka dhënë fitoren në tavolinë, 3-0, Zvicrës në ndeshjen ndaj Ukrainës, e cila ishte parashikuar të luhej më 17 nëntor në Lozanë.
Disa orë para ndeshjes, dy futbollistë të Ukrainës rezultuan pozitivë me coronavirus dhe për këtë arsye, autoritetet shëndetësore nuk e lejuan ekipin të udhëtonte drejt stadiumit.
Kjo humbje në tavolinë rëndon shumë për kombëtaren e Ukrainës, e cila përfundon në vendin e fundit në grup dhe tashmë do të zbresë në Ligën B, aty ku në edicionin e ardhshëm do të garojë edhe Kombëtarja shqiptare.
