Dy ndeshjet më të rëndësishme të javës, Teuta-Vllaznia dhe Kukësi-Laçi, po luhen prej orës 16:45. Shkodranët kanë fituar tre ndeshjet e para, ndërkohë që durrsakët po “luftojnë” edhe kundër tersit të ndeshjeve në “Niko Dovana”.
Në “Elbasan Arena”, Kukësi që ka marrë vetëm një pikë në tre javët e para, përballet me një Laç të ndërtuar me pompozitet dhe që njeh tre barazime në takimet e deritanishme.
Një derbi i veriut, në një moment delikat ku presioni është i madh te të dyja skuadrat. Verilindorët kryesojnë 1-0 duke shënuar edhe golin e parë në Kategorinë Superiore për këtë sezon.
Gafë e portierit Alen Sherri dhe Kukësi ka përfituar, duke realizuar golin e epërsisë.
