Një bombol gazi ka shpërthyer në ambientet e jashtme të një banese në Tiranë, këtë të Martë. Policia raporton se janë dëmtuar lehtë kryefamiljari dhe e shoqja.
“Rreth orës 12:11, në rrugën ‘Shefqet Kuka’, në ambientet e jashtme të banesës së shtetasit M.G., ka plasur një bombul gazi, dhe për pasojë janë dëmtuar lehtë shtetasi M.G dhe bashkëshortja e tij shtetasja D.G, të cilët u dërguan në spital, për ndihmë mjekësore”, njoftoi policia.
Grupi hetimor dhe shërbimet e Policisë ndodhen në vendngjarje dhe vijojnë për sqarimin e rrethanave të ngjarjes, shtuan të njëjtat burime.
