Në emisionin ‘Tempora”, mjeku Renato Osmënaj foli me shifra të qarta për të treguar atë që sipas tij quhet fshehje e shifrave të vdekjeve nga covid. Sipas mjekut Osmënaj, qeveria nuk ka futur në listë ata që kanë vdekur në Turqi nga Covid. Ai shtoi se janë nisur më shumë se 200 veta në Turqi dhe 31 prej tyre kanë ardhur të vdekur.
“Mjekët ligjor kanë varësi nga Ministria e Drejtësisë dhe duhet të marrin indicje për të kryer një autopsi apo për të provuar shkakun e vdekjes përmes kartelës klinike.
Që nga viti 1992 në shqipëri nuk është kryer asnjë autopsi anatomoklinike që do të thotë që shefi i shërbimit vendoste që nëse kishte paqartësi për shkakun e vdekjes e çonte atë në morg ku kryhej autopsi nga mjekë të nderuar.
Morgu në vetvete se bashku me Institutin e Mjekësisë Ligjore ka qenë një vend ku vdekja ndihmonte jetën.
Unë nuk kam qenë dakord që të bëheshin publike numrat e vdekjeve. Shifrat e qeverisë janë vetëm për të vdekurit në 3 spitale covid.
Unë kam 30 emra që kanë vdekur nga Covid dhe që kanë hyrë me arkivol në Aeroportin e Rinasit. Kanë shkuar 200-210 dhe 30 kanë vdekur. Një është në morgun e Elbasanit dhe u bënë 31.
Shifrën reale unë nuk e di, ai do dali një ditë. Debati se këta të sëmira kanë qenë negativë apo pozitivë, edhe këtu ka një thyeshmëri. Nëse prokuroria pyet nëse ka lidhje shkak pasojë, besoj se 90% e ekspertimit mjeko-ligjor nuk do mohohet se vdekja ka pasur lidhje nga covid.
Ka dhe të sëmurë që mund të jenë me covid dhe vdesin nga një shkak tjetër.”
