Kryeministri Edi Rama u shpreh sot se po bëhen përpjekje për të mos mbetur pas në procesin e sjelljes së vaksinës kundër Covid-19.
Kreu i qeverisë tha po tentohet të sigurohet vaksina pavarësisht çmimit.
“Ne nuk jemi si të tjerët në këtë luftë sepse kemi edhe një tjetër që është shumë e madhe. Mijëra e mijëra familje që t’i kthejmë në shtëpi.
Fondet kjo qeveri i ka vënë të gjitha në dispozicion. Përsa i përket vaksinës nuk jemi në fazën ku mund të zgjedhim të lirë apo të shtrenjtë.
Jemi në fazën ku po bëjmë përpjekje që ta kemi në dispozicion, duke filluar nga vaksinimi i bluzave të bardha, mësuesit, punonjësit e policisë dhe të gjithë me rrallë. Sasia që do prodhohet nuk do jetë e gjitha ajo që është nevojshme në ditën e parë.
Të vëmë ë dispozicion për këto kategori vaksinën sa më shpejt. Nuk jemi në avantazhin që janë vendet prodhuese apo vendet e mëdha.
Po bëjmë përpjekje që të mos mbetemi jashtë këtij procesi. E lirë apo e shtrenjtë është temë tjetër. Mund të marrim nga të gjitha llojet e vaksinave.
Është një proces intensiv që po zhvillohet. Shpresoj që të mos mbetemi mbrapa”, dekaroi Rama.
