Një foto e publikuar në rrjetet sociale ka ngritur dyshime dhe polemika. Mesfushori sulmues i Milanit Hakan Çalhanoglu, duke përfituar nga dita e pushimit e dhënë pas fitores në Napoli, vizitoi shokun e tij të kombëtares Merih Demiral, dje në Torino.
Një mundësi për të qenë së bashku në një moment të rrallë relaksimi të dhënë nga një orar shumë i ngarkuar, duke marrë parasysh lidhjen e fortë të miqësisë midis të dyve.
Por kjo ka sjellë reagimin e njerëzve të Instagram, të cilët nuk e kanë pëlqyer sjelljen e futbollistëve në kohë pandemie dhe duke ditur që, Çalhanoglu vjen nga Milano, Lombardi, rajoni më i prekur në Itali dhe aktualisht “zonë e kuqe”, raporton Ora News.
LËVIZJE NË MERKATO? – Por përpos debateve për masat anti-Covid, në mediat italiane flitet edhe për një kontakt të mundshëm mes numrit 10 të Milan dhe Juventus.
Çalhanoglu aktualisht fiton 2.5 milion euro dhe po synon një rritje të konsiderueshme me kontratën e ardhshme. I nxitur nga interesi i treguar nga disa klube të rëndësishme, duke përfshirë Interin e disa klube jashtë Italisë dhe nga performanca e treguar në muajt e fundit, ai synon për një pagë mbi 5 milionë euro në sezon, shkruan Ora News.
Për momentin, Milani nuk shkon përtej 3.5 milionëve duke përfshirë edhe bonuset.
Në javët e ardhshme e ardhmja e turkut pritet të qartësohet /oranews
