U mbyll mbrëmjen e sotme java e katërt e fazës së grupeve në Ligën e Kampioneve. Në orën 18:55, Sevilla dhe Chelsea triumfuan përkatësisht ndaj Krasnodar dhe Rennes duke u kualifikuar për në fazën e 1/16-ve të Ligës së Kampioneve.
Ndërkohë në takimet e orës 21:00, skuadrat që arritën të kualifikoheshin ishin Barcelona dhe Juventusi. Ekipet të cilat bëjnë pjesë në Grupin G, arritën të fitonin ndeshjet e tyre përkatëse.
Spanjollët edhe pse pas disa titullarë arritën të mposhtin lehtësisht Dynamo Kieve 0-3. Nga ana tjetër Juventus e pati të vështirë ndaj Ferencvaros, të cilët i mundën vetëm në fund 2-1.
Në Grupin H gjithçka është e hapur. Man.United arriti një fitore spektakolare 4-1 ndaj Basaksehir ndërsa PSG-ja fitoi minimalisht ndaj Leipzig. Grupi kryesohet nga “Djajtë e Kuq” në kuotën e 9-pikëve të ndjekur nga PSG-ja dhe Leipzig me nga 6 pikë. Fatet e këtij grupi do të përcaktohet në 2 ndeshjet e fundit.
Në Grupin F, Dortmund e pati të lehtë ndaj Club Brugge duke fituar 3-0. Heroi i takimit ishte i përhershmi Erling Haland i cili realizoi një dopietë, ndërsa për verdhezinjtë shënoi edhe talenti Sancho.
Ndeshja tjetër e këtij grupi ishte ajo mes Lazios dhe Zenit, e cila u mbyll me fitoren e italianëve 3-1.
Rezultatet e ndeshjeve:
