Zëvendësministri i Shëndetësisë, Albert Nikolla, i ftuar në Çim Peka LIVE, komentoi akuzat e opozitës se po fshihet numri i viktimave nga koronavirusi.
“Jo domosdoshmërisht çdo person që vjen nga spitali Covid ka vdekur nga Covid,” tha Nikolla.
“Ata nuk shkojnë për estetikë në spital,” reagoi moderatori Çim Peka.
“Nuk paragjykoj profesionistët e mjekësisë. Janë mjekët më të mirë në Europë,” tha Nikolla.
Peka deklaroi se ekspertët e Komitetit Teknik nuk mund të jenë të pavarur, kur kanë klinikat e tyre dhe bëjnë biznes me pandeminë.
Kurse Nikolla tha se anëtarët janë të pavarur totalisht nga kryeministri Edi Rama.
