Britania e Madhe do të marrë 19 milionë doza të vaksinës së Oksfordit dhe AstraZenecës deri në fund të vitit. Ndonëse u tha se vaksina e Oksfordit tregoi se kishte efikasitet deri në 70% por mediat e huaja thonë se ka rezultuar 90% efikase për të parandaluar përhapjen e Covidit.
Presidenti i AstraZeneca, Tom Keith-Roach tha sot se rreth 4 milionë doza janë gati për Mbretërinë e Bashkuar, ndërsa 15 milionë doza të tjera mund të shpërndahet deri në fund të muajit tjetër. Ato do t’u jepen punëtorëve të kujdesit shëndetësor dhe të moshuarve fillimisht.
Vaksina pritet të kushtojë vetëm 2 paund për dozë dhe mund të ruhet në pajisje të zakonshme, ndryshe nga vaksinat Pfizer dhe Moderna që treguan rezultate të ngjashme premtuese javën e kaluar, por duhet të mbahen në temperatura ultra të ftohta duke përdorur pajisje të shtrenjta. Gjithashtu ka ndryshime në çmim pasi një dozë e Pfizer kushton rreth 15 paund, ndërsa e Modernës rreth 26 paund.
