J.Balvin ka treguar thujase gjithçka në lidhje me luftën e tij me ankthin dhe depresionin. Gjatë një interviste këtë javë në podkastin “En La Sala with Becky G”, super ylli i muzikës latine, 35 vjeç, kujtoi një periudhë të disa viteve më parë, kur ai ra në depresion aq shumë sa qëndroi i shtrirë në shtrat për pesë ditë “duke pritur vdekjen”.
“Thjesht po qaja pa ndonjë arsye”,-tha ai. “Nuk doja të zgjohesha, nuk dëshiroja të haja, as nuk dëshiroja të jetoja – dhe nuk e dija pse”.
Balvin tha se në atë kohë problemet e shëndetit mendor e bënë atë të ndihej i huaj në lidhje me të tjerët.
“E humb shpresën dhe ndihesh i çuditshëm në çdo vend ku shkon. Ndihesh sikur jeni jashtë trupit tënd.”
Këngëtari shtoi se ai nuk mund ta kuptonte pse po luftonte me depresionin ndërsa karriera ishte në kulmin e saj në atë kohë. Pasi kërkoi ndihmë dhe mori ilaçe, Balvin filloi të kuptojë se ai nuk është i vetëm në trajtimin e çështjeve të shëndetit mendor. Tani ai dëshiron që fansat e tij të dinë se as ata nuk janë vetëm.
“Është në rregull të mos jesh në rregull”, u tha ai dëgjuesve. “Unë ju kuptoj, ju ndiej. Ndiej atë që ndjeni, e dini? Ju mund të keni ‘momentin tuaj më të mirë në jetë’ dhe po ndiheni si mos më keq.E fitova besimin se gjithçka do të kthehet në normalitet. Tani jam i disiplinuar. Marr ilaçet e mia dhe kujdesem për veten.”
