Një tjetër drejtues i Policisë së Shtetit është infektuar me koronavirus. Nga raportimet mësohet se zv.drejtori i Rendit në Drejtorinë Vendore të Policisë Tiranë, Dhimitraq Ziu, është infektuar nga Covid-19.
Ziu aktualisht është në gjendje të stabilizuar dhe po trajtohet në banesë.Pak ditë më parë u infektua me COVID-19 dhe kreu i Policisë së Shtetit, Ardi Veliu, ndërkohë që një zyrtar i anti-drogës humbi jetën si pasojë e virusit.
Gjatë javëve të fundit janë raportuar me dhjetra raste të infektimeve me Covid-19 të punonjësve dhe zyrtarëve të policisë, të cilët rezultojnë kategoria më e rrezikuar pas mjekëve dhe mësuesve.
