Futbollisti i Kombëtares, Endri Çekiçi, nuk arriti të shndërronte në gol një 11-metërsh në minutën e 29-të të fituar nga vetë pogradecari.
Mesfushori 23-vjeçar, gaboi shënjestrën në sfidën ndaj Goztepes të vlefshme për Superligën turke, duke e dërguar topin mbi kuadrat.
Skuadra e Çekiçit, Ankaraguxhu, u mposht në transfertë me rezultatin 3-1.
Në momentin kur shqiptari humbi 11-metërshin, rezultati ishte 1-0 në favor të vendasve, teksa kishte shansin e artë të vendoste baraspeshën.
